Euskararen tresnak

Lur hiztegi entziklopedikoa

Kultura eta Hizkuntza Politika Saila

Dingelstedt, Franz von

Alemaniar poeta, itzultzaile eta eleberrigilea (Halsdorf, Hesse, 1814 - Viena, 1881). Liburuzaina eta antzerki zuzendaria izan zen. Joera liberalekoa izaki, Alemania Berriarekin lotzen duten poema bilduma batzuk eman zituen argitara. Liedern eines cosmopolitischen Nachtwächters (1840, Jagole kosmopolita baten kantuak) poema bildumak arrakasta handia lortu zuen herri xehean. Das Haus der Barnefeldt (Barnefeldt-en etxea) drama eta Unter der Erde (1840, Lurrazpian) eleberria, beste obren artean, idatzi bazuen ere, Molière eta Shakespeareren obrak itzultzeak eman zion ospea batez ere.