Dar es Salaam
(Arab. Dãr-al-Salãm) Tanzaniako portua eta hiriburu zaharra, Indiako Ozeanoaren ertzean. Burdinbide batek Dar es Salaam Tanganyika eta Victoria aintzirekin lotzen du. 1.360.850 biztanle (1988). Unibertsitatea. Kotoi, arto, kafe, olio, sisal, tabako eta berun esportazioa. Industria ugari: janari industria, ehungintza eta petrolio findegiak. Bertan du sorrera Zambiaraino iristen den petrolio hodiak. Turistentzako azpiegitura egokia.
