Coe, Sebastian
Iraupen erdiko lasterkaria (Londres, 1956). Urrezko dominak lortu zituen 1.500 metrotan 1980 eta 1984ko Olinpiar Jokoetan, eta bi zilarrezko 800 metrotan. Orotara, munduko 12 errekor ezarri zituen, horietarik 9 aire zabalean eta 3 pista estalian. Politikagintzan ere aritu izan da, britainiar Alderdi Kontserbadorean betiere, eta 1992an Beheko Ganberarako parlamentari hautatu zuten.
