Bhagavad-gita
(Sanskritoz «Jaunaren kanta»). Mahabharata Indiako epopeia nazionalak jaso zuen erlijio eta filosofia poema. Epopeia bera baino askoz geroagokoa da, eta hinduismoaren oinarrizko testutzat hartzen da. Idazki honetan Krisnak, Visnu gizon eginak, dharma edo erlijioaren berri ematen dio Arjuna printzeari; salbazioari buruz hitz egiten du batez ere. Indiako sekta guztiek onartzen duten Biblia antzeko liburu bihurtu da.
