Askatuak
Gipuzkoar saskibaloi taldea, 1975. urtean Donostian sortua. Aurreneko bi urteetan Dicoproga izena eraman zuen, eta ondoren hartu zuen Askatuak izena. Hainbat urtez Espainiako lehen mailako ligan eta Europa mailako txapelketetan aritu ondoren, arazo ekonomikoak zirela-eta gainbehera nabarmena izan zuen Askatuak taldeak. 1997. urtean Kirol Elkarte Anonimo bilakatu eta bi urtez EBA ligan jokatu zuen. 2000-2001 denboraldian, Cafés Aitona-Askatuak izenarekin, LEB 2 ligan onartua izatea lortu zuen, eta ACB ligara heltzea da bere helburua.
