Amara
Donostiako auzoa, hiriaren hegoaldean. Hiriaren azken urteotako hazkundearen ondorioz, ohiko Amara Zaharra eta Amara Berri auzoguneei auzalde berriak gehitu zaizkie, hala nola Amara-Osinaga eta, Loiola auzorako bidean, Loiolako Erribera. Amarako Anoeta eremuan kokatu da Donostiako kirolgunerik garrantzitsuena, eta Real Sociedad taldearen partidak hartzen dituen Anoeta estadioa ere –Atotxako zelai zaharraren ordezkoa– bertan da.
