Prandtl, Ludwig
Alemaniar fisikaria (Freising, Bavaria, 1875 - Göttingen, 1953). 1904. urtean Göttingengo unibertsitateko irakasle eta Aerodinamika Ikerketen Laborategiaren sortzaileetako bat izan zen. 1947. urtean jariakarien mekanika ikertzen zuen Max Planck institutuko zuzendari izendatu zuten. Saio eta teoria asko egin zituen aerodinamikari eta jariakarien mekanikari buruz. Prandtlek airean edo uretan higitzen den gorputz baten azaleko geruzaren hastapena finkatu zuen, eta aurkikuntza hari esker, aerodinamikak hegazkin bateko hegoen edo higitzen ari den beste gorputz baten erresistentzia gutxitzen duela frogatu zuen. Ikerketa horiek guztiek aerodinamikaren oinarriak ezarri zituzten.
