numismatika
iz. Antzinako txanponak eta dominak aztertzen dituen zientzia. Numismatikak laguntza handia dakarkie beste jakintzei, aztergai dituen txanponen aleazioen nolakotasuna eta pisua, metala, zabalkudea, testuak eta irudiak aztertuz oso datu baliagarriak ematen dutelako geografiaz, historiaz, erlijioaz, ohiturez, arteaz, ekonomiaz eta salerosketez. XVI. mendetik aurrera numismatikak zabalkunde eta aurreramendu handia izan zuen. Gaur egun, Nazioarteko Batzorde batek ikerketarako jarraipideak arautzen ditu eta nazioarteko kongresuak antolatzen. Numismatikari buruzko argitalpen asko daude; Parisko Revue Numismatique da zaharrena. Numismatikak badu ikerketaz gainera salerosketa alderdi bat, txanpon eta domina bildumagileei dagokiena.
