Nire eskaerak modu elektronikoan aurkeztu behar ditut?

Zu edo zure ordezkaria erakunde bat bazarete, nortasun juridikoarekin edo gabe, izapide guztiak modu elektronikoan egin behar dituzu.

Hau da, gestoriak, higiezinen agentziak, enpresak, ondasun-erkidegoak, jaraunspen jasogabeak… behartuta daude teletramitatzera; horretarako, identifikazio elektronikorako onartutako bitarteko bat izan beharko dute.

Ordezkari batek kudea dezake nire eskaera?

Bai, zuk erabaki dezakezu beste pertsona edo erakunde batek zure izenean jardutea, hau da, zure ordezkari gisa jardutea, eta zure eskaerak kudeatu eta sinatu ahal izatea, jakinarazpenak jaso ahal izatea eta abar.

Horretarako, beharrezkoa da pertsona edo erakunde horri ordezkaritza eman diozula egiaztatzea.

Nola egiaztatu dezaket ordezkaritza beste pertsona edo erakunde bati eman diodala?

Ordezkaritza Ahalordeen Erregistro Elektronikoan inskriba dezakezu. Horrela, ez duzu eskabide bakoitzean aurkeztu beharko ordezkaritza egiaztatzen duen agiria.

Ordezkaritza ez badago Ahalordeen Erregistro Elektronikoan inskribatuta, eskabide bakoitzarekin batera zuk sinatutako dokumentu bat aurkeztu beharko duzu, beste pertsona edo erakunde horri ordezkaritza ematen diozula frogatzeko. Iradokitzen dizugun eredu erabil dezakezu, edo ordezkaritza egiaztatzen duen eta zuzenbidean beste edozein dokumentu baliodun.

Eskaera aurkeztu ezean, ez duzu espedientea Nire Karpetan aurkituko.

Aurkeztu ez dudan eskaera bat berreskuratu eta jarrai dezaket?

Bai, eskaera bat hasi baduzu, baina ez da amaitu, berreskura dezakezu amaitu ahal izateko.

Nola berreskura dezaket aurkezteke eskabide elektroniko bat?

• Eskabidearen izapideko eskabide elektronikorako sarbidea (gordailua, itzulketa…) botoia sakatu behar duzu (beste eskaera bat egin behar balu bezala), eta identifikazio elektronikorako bitarteko berarekin identifikatu.
• Izapide horretan hasi den eta bidali ez den eskaera erakutsiko dizu ziurtagiri horrekin. Aukeratu, Editatu botoian klik egin eta eskaerarekin jarraitu ahal izango duzu.
• Hurrengoa botoia sakatu, sinatu eta bidali aukera ikusi arte.
• Eskabidea sinatu eta bidali egingo da.

Nola berreskura dezaket aurrez aurreko eskabide bat?

• Eskabidea izapideko eskabide aurrez aurreko sarbidea (gordailua, itzulketa…) botoia sakatu behar duzu (beste eskaera bat egin behar balu bezala).
• Eskaera sortu zenuen dokumentu berarekin identifikatu (NAN, AIZ…).
• Iragazketa-irizpideak zabaldu, aurkeztu gabe utzitako eskabidearen eskaera-kodea sartu (DIRx/2020/xxxxxx, MDRx/2020/xxxxxx, CDRx/2020/xxxxxx), eta Iragazi botoia sakatu.
• Editatu botoian klik egin eta eskaerarekin jarraitu. Sakatu Hurrengoa botoia, eskabidea inprimatu aukera izan arte.
• Inprimatu eskaera, sinatu eta eman adierazitako lekuetan.

Ezaba dezaket aurkezteke eskaera bat edo alda ditzaket bere datuak?

Gordailua egiteko likidazio-orria sortu baduzu edo eskabidea izapidetzeko puntu jakin batetik igaro bazara (Berrikusi eta jarraitu erlaitza), ezingo dituzu aldatu grabatutako datuak edo ezabatu eskaera hori.

Zer egin dezaket gordailuaren ordainketa aurkezteke-eskaera batean egin badut, baina konturatu banaiz akats bat dagoela datuetan?

Zuk fidantza likidazio-orria ordainduz gordailutu baduzu, eskaera hori aurkeztu behar duzu, nahiz eta konturatu datu okerrak dituela, aldatu ezin dituzunak. Dokumentazioarekin batera, akatsa azaltzen duen dokumentu bat aurkez dezakezu, baina ziurtatu behar duzu ordainketa eginda dagoen eskaera aurkeztu duzula.

Noiz kontsultatu ahal izango dut nire eskabidea Nire karpetan?

Zure eskaera espediente bat izango da, eta Nire karpetatik sartu ahal izango zara espediente horretara:

• Eskaera elektronikoa bada: sinatzen duzunean eta bidaltzen duzunean.
• Eskaera presentziala bada: sinatutako formularioa jasotzen duenean lekuetan aurkeztuz ta gero.

Zer egin dezaket Nire karpetatik?

• Aribidean dauden edo amaituta dauden espedienteak kontsultatzea, eskaeraren titular gisa edo beste pertsona edo erakunde baten ordezkari gisa.
• Jakinarazpenak eta komunikazioak jasotzea. Egiteke dauden jakinarazpenak nahiz jada jasotakoak edo baztertutakoak eskura ditzakezu.
• Egindako eta egiteke dauden ordainketak kontsultatzea. Ordaintzeke dauden ordainketen kasuan, ordainketa-pasabidera jo dezakezu ordainketa linean egin ahal izateko.
• Espedientearen ziurtagiriak eta dokumentazioa kontsultatzea.
• Jakinarazpen eta komunikazioetarako datuak aldatzea.
• Izapideak egitea, hala nola eskabidean atzera egitea.
• Espedienteari dokumentazioa edozein unetan eranstea.

Nola aurkez dezaket dokumentazioa aurkeztutako eskabide batean?

• Elektronikoki, identifikazio elektronikoko bitartekoarekin: eskabidea eskura dezakezu Nire karpetaren bidez eta "dokumentazioa erantsi" aukeran dokumentazioa erantsi, formatu digitalean edo eskaneatuan.
• Aurrez aurre (pertsona fisikoak bakarrik): dokumentazioa adierazitako lekuetan aurkeztuz.