INEk argitaratu dituen datuen arabera, urtarrilean Euskadin saldutako etxebizitza kopurua %9,2 hazi zen aurreko urteko hil berarekin alderatuta. Zehazki, 2.361 etxebizitza saldu ziren. 2025 urtea dinamismo handiz eta prezio gorakadarekin bukatu ondoren, merkatuak bilakaera hau berretsi zuen 2007tik urtarril baterako egon den daturik onenarekin.

Eustatek argitaratutako Euskadiko industriako prezioen indizea %1,7 jaitsi zen otsailean urte arteko tasan. Energiaren prezioek %9,3 egin zuten behera; kontsumo ondasunek eta bitarteko ondasunek, berriz, jaitsiera apalagoak izan zituzten. Ekipamenduko ondasunek, aldiz, %1,6 egin zuten gora.

Otsailean, Euskadiko azalera handietako eta elikadura kate handietako salmentak %1,0 hazi ziren, aurreko urteko hil beraren aldean. Igoera horretan bai elikagaien bilakaerak (%1,3) bai gainerako produktuenak (%0,3) eduki zuten eragina. Aitzitik, langile okupatuak ia egonkor mantendu ziren, %0,1eko jaitsiera txikiarekin.

2026ko urtarrilean, Euskaditik atzerrirako ondasunen esportazioak 2.162 milioi eurotakoak izan ziren, urte arteko %4,5eko jaitsiera izanez. Produktu energetikoen esportazioak %169,3 hazi ziren eta ez-energetikoenak berriz %6,8 jaitsi. Merkataritza saldoa positiboa izan zen, 113,2 milioi euro ingurukoa.