zistazeo
izond. Bot. Biolalen ordenako izen bereko familiako landareez esaten da. Zistazeo mota gehienak zuhaitzak edo zuhaixkak dira. Mota gehienek hosto bakunak, estipuladunak eta elkarren aurka antolatuak dituzte; loreak, berriz, bost hostokoak, sexu bikoak eta banaka edo adar-puntetan sortaka antolatuak dituzte; fruitua kusku itxurakoa eta 5-10 ziskukoa dute. Europan, ipar muturreko lurraldeetan izan ezik, Asiako mendebalean, Afrikako iparraldean, Ipar eta Erdialdeko Amerikan eta Argentinan hazten dira. Txara da zistazeo motarik ezagunena.
