zarigueia
iz. Zool. Didelfidoen familiako ugaztun martsupioduna, 50 cm inguru luzea (Didelphys virginiana). Opossum izenaz ere ezagutzen da. Martsupioaren sarrera uzki aldetik du. Itxuraz arratoi baten antzekoa da, neurriz ordea hura baino handiagoa. Kono itxurako buru handia, eta mutur luzea ditu. Isatsa luzea eta oratzailea izaten du, ezkataz estalia. Ile trinko leuna du, kolorez zurixka, marroixka edo beltzarana. Kanadako hegoaldetik Argentinako iparraldera bitarteko lurraldeetan bizi da. Ugaztun txikiak, txoriak, arrautzak eta narrastiak jaten ditu batez ere. ik. opossum.
