Zamudio
Bizkaiko erdialdeko udalerria (Bilboaldea). Garaiera, 0 m. 15 km2. 1997ko datuen arabera, 2.973 biztanle (zamudioarrak). Herrigune hauek osatua da udalerria: San Antolin, Santimamia eta Zamudio-Arteaga (herriburua). Hizkuntza banaketa 1996an: 1.438 euskaldun, 472 ia-euskaldun eta 1.104 erdaldun. Industria da ekonomia jarduera nagusia. Aipagarria da Zamudioko Parke Teknologikoa, teknologia berriak ikertzen direna. Biztanle bakoitzeko Barne Produktu Gordinaren arabera, Bizkaian aberastasun gehien sortzen duen udalerria da, azken urteotan handitzen eta balio erantsi handiko jarduerak hartzen jarraitu duen Parke Teknologikoari esker, gehienbat.
