upanishad
iz. Hinduen Vedetako testu filosofiko erlijiosoak. Sanskritoz idatziak, VI. mendearen ondokoak, bertsoz eta prosaz moldatuak dira. Veden tradizioaren amaiera dira eta Vedanta izena dute. Berrehun inguru dira, aski laburrak; maisu izpiritualen irakaspenak biltzen dituzte elkarrizketa moduan, haien gaiak gizakien jatorria eta helburua eta Izaki gorenarekiko harremanak direlarik. Indiako geroztikako pentsamendu guztian erabateko eragina izan zuten.
