tronboi
iz. Haizezko musika tresna, tronpeta handi baten gisakoa. v Tronboiak hiru oktaba inguruko hedadura du. Hots sendoa du eta horregatik erabili izan dute musikagileek efektu dramatikoa sortzeko, adibidez Mozartek Don Giovanni operan edo Beethovenek bosgarren sinfonian. Gaur egun tronboi mota erabilienak tronboi tenorrak, si bemolean eta tronboi baxuak, sol eta fa-n, dira. Barroko aldian eliz musikan erabiltzen zen, batez ere, baina 1850. urtetik aurrera orkestrako tresna finko bihurtu zen, eta gaur egun musika eta banda militarretan erabiltzeaz gainera, jazzean ere oso erabilia da. Tutu lerrakora duen tronboiaz gainera, pistoiak dituen tronboia ere bada.
