trikinosi
iz. Trikinaren beldarrak gizonarengan eta zenbait animaliarengan eragiten duen eritasuna. Trikinaren beldarrik duen zerriki gordina (edota luze egosi gabea) janez gero, beldar horiek gizonaren urdailean eta hesteetan irekitzen dira. Une horretan, ernaltzen dira eta trikina ugari jaiotzen da. Harrak linfa hodietara eta zaintara igarotzen dira, eta, horietatik, giharretara, bertan finkatu eta beldar berriak eratzen dituztelarik. Trikinosia gaitz larria da, eta hasierako sintoma orokor samarren ondoren (goragalea, oinazea, beherakoa) trikinak giharretaraino heldu izanari dagozkionak agertzen dira (sukarra, akidura, giharretako oinaze saminak, edemak, artegatasuna eta lorik eza).
