Teodulfo
Orleans-eko apezpikua (Katalunia, 750 - Angers, 821). Karlomagnoren garaiko elizgizon, poeta eta teologo franko nagusietako bat izan zen. 775ean egin zuten Orleans-eko apezpiku eta 781ean Saint-Benoît-sur-Loire-ko komentuko abade. Erroman egon zen 800. urtean, Karlomagno enperadore egin zutenean, eta 804tik aurrera haren teologia aholkulari nagusi izan zen. Greziako eta Erromako kristau elizak elkarren aurka ezarri zituen Filioque («eta semearen») auziaren aurrean, “filioque” esamoldearen alde idatzi zuen De Spiritu Sancto (Izpiritu Santuaz) tratatuan, eta Karlomagnok berak eskatuta idatzi zuen De Ordine Baptismi (Bataioaren aginduari buruz). 818an hartu zuen preso Karlomagnoren seme Ludovico I.ak, traizioa prestatzen ari zelakoan, eta Angers-ko monasterioan itxiarazi zuen hil arte. Ad Carolem regem (Karolo erregeari) poema idatzi zuen, Karlomagnoren ohoretan, eta artea eta arkitektura bultzatu zituen.
