Telemako
(Gr. Telemakhos). Greziako mitologiako pertsonaia, Ulises eta Peneloperen semea. Oso txikia zelarik aita Troiako gerrara joan zen eta itzultzen ez zela ikusita haren bila joan zen Mentor-en laguntzaz. Itakara itzuli ondoren, aita aurkitu zuen eta etsaiei aurre egiten lagundu zion. Odisea obrako lehen liburukietan azaltzen dira Telemakoren balentriak.
