silbina
iz. Miner. Potasio kloruroa (KCl); halogenuroen taldeko gatza da, sistema kubikoan kristaltzen da eta gatzarriaren egitura bera du. 1,9 g/cm3-ko trinkotasuna du. Gatzarria baino garratzagoa da eta haren jatorri bera du. Koloregabea da, beiraren distira du eta sarritan magnesio kloruroarekin nahastuta ageri da. Potasioaren mearik garrantzitsuena da, eta potasioa duten ongarriak ekoizteko oso erabilia da kimika industrian.
