signatido
izond. Zool. Gasterosteiformeen ordenako izen bereko familiako arrainez esaten da. Itsaso beroetan eta epeletan bizi dira batez ere. Burua zaldiaren antzeko samarra dute, muturra hodi itxurakoa, luzea, eta ahoa estua; gorputza hezurrezko xafla gogorrez estalia dute, egituraz luzarana, sabelalde sendokoa eta isatsaldera estutuz doana. Isatsa bera oratzailea izaten dute. Itsas zaldia da familia horretako arrain ezagunena.
