Sarthe
Frantziako ipar-mendebaleko departamendua [72] (Pays-de-la-Loire). 6.210 km2 eta 504.768 biztanle. Prefetura hiria, Le Mans. Suprefetura hiriak: La Flèche eta Mamers. Lurralde laua da oro har; iparraldean eta ipar-mendebalean garaiera txikiko mendiak daude. Ordoki zabal antzuak hartzen du lurraldearen erdialdea, eta pinudiek hegoaldea. Laborantza (barazkiak, bazkarako landareak), abere hazkuntza (behi eta zerri aziendak, hegaztiak) eta askotariko industria (automobilgintza, metalurgia, zurgintza, ehungintza, kimika industria) dira ekonomia jarduera nagusiak.
