plastomero
iz. Kim. Plastikoak ekoizteko erabiltzen den lehengaia. Elastomeroak bezala, gai kimiko organikoez eta erdi-organikoez eratuak dira plastomeroak, eta polimero altu izenez ezagutzen dira. Egitura makromolekulez eratua dute. Plastomeroen ezaugarri nagusia plastikotasuna da. Tasun honen arabera, indarren edo beroaren eraginez deformazioa jasaten dute, eta deformazio hori ez da aldatzen ondorenean. Plastomeroak termogogortuak edo termoplastikoak izan daitezke. Lehenengoek sare erako molekula egitura dute; bigarrenek, aldiz, lerro erako molekula egitura.
