peritrikido
izond. Zool. Ziliodunen edo infusorioen klaseko izen bereko ordenako protozooez esaten da. Zelula bakarreko organismoak dira. Zelula handi bat eta beste zenbait zelula txiki izaten dituzte, eta ez dute ziliorik galtzen zelula bakarreko beste protozooek bezala. Zilio bakarra dute peritrikidoek, luzea eta uzkurkorra, hartaz baliatzen dira urazpiko gauzei itsasteko. Bi zati eginez ugaltzen dira. Uretako anfibioen eta beste animalia batzuen harren bizkarroi gisa bizi izaten dira.
