Parana
Brasilgo hegoaldeko estatua. Mugak: ipar-mendebalean, Mato Grosso do Sul estatua; hegoaldean, Santa Katarina estatua; ekialdean, Ozeano Atlantikoa; mendebalean, Paraguai; hego-mendebalean, Argentina; iparraldean eta ipar-ekialdean, Sao Paulo estatua. 199.324 km2 eta 9.137.700 biztanle (1991). Hiriburua: Curitiba. Klima ez da estatuko parte guztietan berdina, orografia gorabehera handiak baitira; klima tropikal euritsua du kostaldean, tropikoz behekoa mendialdean eta tropikal-kontinentala goi-ordokietan. Nekazaritza (azukre kanabera, mandioka, arroza) eta abere hazkuntza dira Paranako ekonomia jarduera nagusiak. Kafea esportatzen du. Baso ustiakuntza.
