Pantagruel
François Rabelais frantses idazleren Horribles et épouvantables faits et prouesses du très renommé Pantagruel (1532, Pantagruel guztiz ospetsuaren balentria izugarriak) laneko pertsonaia, Gargantua erraldoiaren semea. Aitaren antzeko erraldoia da Pantagruel; berezko zentzunez egiten dio aurre bidean aurkitzen dituen bidegabekeria eta desmasia orori. Garai hartako Frantzian nagusi ziren erakunde eta gizarte moldeen etengabeko satira da. Aipagarria da euskarazko zenbait esaldi agertzen direla protagonisten ahotan.
