Ostankoa
Nafarroa Behereko erdi-ekialdeko udalerria, Donapaleuko kantonamenduan. Orsanco du izen ofiziala. Mugak: iparraldean, Donapaleu eta Bithiriña; ekialdean, Uhartehiri; mendebalean, Bithiriña eta Landibarre; hegoaldean, Izura-Azme. Garaiera, 182 m. 9,35 km2. 1999ko datuen arabera, 97 biztanle (ostankoarrak). Euskara, behe-nafarrera; euskaldunak, % 94. Udalerriaren mendebaletik Aran ibaia igarotzen da. Laborantza (artoa, bazka landareak, lekadunak) eta abere hazkuntza (ardi eta behi azienda) dira ekonomia jarduera nagusiak. Aipagarriak dira San Martin parrokia, hilerriko XVI-XVII. mendeetako hilarriak eta Erdi Aroko Sohueta etxea. v Historia. 1119. urteko dokumentu batean aipatzen da lehen aldiz Ostankoako herria Orsacoe izenaz.
