ofiuroideo
izond. Zool. Ekinodermoen phylum-eko izen bereko klaseko animaliez esaten da. Gorputzaren erdiko aldea disko formakoa dute, biribila edo bost aldekoa eta zapala. Gehienek bost beso dituzte, luze meheak eta arantza askoz hornituak, kolorez zuri-beltzak, zuri-gorrixkak, zuriak edo horixkak. Diskoan eta bost besoetan oskol egiturako azala dute. Haragijaleak dira. Itsasazpi hondartsuetan eta lohitsuetan ibiltzen dira. 1.800 ofiuroideo mota ezagutzen dira. Ophiura texturata, Ophiura albida eta Ophiotrix fragilis dira ofiuroideoetan ezagunenak.
