Noumea
Kaledonia Berriko hiria eta portua. 65.000 biztanle (herrialdeko biztanleriaren erdia inguru). 1853an eraiki zen uharteko hego-mendebaleko buruan, Koraleko itsasoaren ertzean, ongi babesturiko badia batean. Administrazio, merkataritza eta industria hiria. Nikela tratatzeko fabrika, haragi kontserbak, zurgintza. Noumeako portuak garrantzi handia du Kaledonia Berriko ekonomian: handik nikela, kafea eta zura esportatzen da.
