nirvana
iz. Erl. Indiako erlijioetan, meditazioaren helburu gorena. Nirvana budismoaren funtsezko kontzeptua da; giza irrikaren suntsipenak eta norbanakoen kontzientzia ezabatzeak dakarren askatasun egoera adierazten du. Nirvana iristea jaiotze eta heriotza ziklotik at geratzea da; ni-a existentzia unibertsalean murgildu eta urtzen da, eta pertsona perfekto edo buda bihurtzen. Nirvanak ez du heriotza fisikoa adierazten; pertsona perfektoaren (arhat) heriotzari parinirvana edo guztizko nirvana deritza.
