Euskararen tresnak

Lur hiztegi entziklopedikoa

Kultura eta Hizkuntza Politika Saila

Narayan, Rasipuram Krishnaswami

Indiar eleberrigilea (Madras, 1906 - Chennai, 2001). Ingelesez idatzi du bere obra guztia. Bere lanetan Indiako zibilizazio tradizionalaren fisonomia eta kolono ingelesen kulturatik jasotzen duen eraginaren pisua erakusten du. Eleberri guztiak bere irudimenean sortu zuen Malgudi hirian daude girotuta. Aipagarrienen artean hauek daude: Swami and friends (1935, Swami eta lagunak), The English teacher (1945, Ingeleseko irakaslea), Waiting for the Mahatma (1935, Mahatmaren zain), The man eater of Malgudi (1961, Malgudiko gizon-jalea). Horiez gainera, Indiako bi epopeia garrantzitsuenen bertsioak argitaratu zituen prosa modernoan: Ramayana (1972) eta Mahabahrata (1978).