Mendikota

Zuberoako erdialdeko udalerria, Uhaitzaindi ibaiaren ezkerraldean, Maule-Lextarreko kantonamenduan. Mugak: iparraldean Gotaine-Irabarne eta Arrokiaga, ekialdean Zalgize-Doneztebe eta Arrokiaga, mendebalean Gotaine-Irabarne eta Idauze-Mendi, eta hegoaldean Ozaze-Zühara. Garaiera, 181 m. 6,33 km². 1999ko datuen arabera, 235 biztanle (mendikotarrak). Auzo nagusiak: Mendikota (herriburua) eta Etxandi. Euskara, zuberera; euskaldunak, % 73. Ekonomia jarduera nagusiak nekazaritza (barazkiak, bazkarako landareak, artoa, ardi azienda) eta haren inguruan sorturiko industria (janari industria) dira. Aipagarria da XIV. mendeko Berteretxe gaztelua.  v  Historia. 1327. urteko dokumentu batean aipatzen da lehen aldiz Mendikotako herria.

• Mendiguren Bereziartu, Iñaki
• Mendiguren Elizegi, Xabier
• Mendiguren
• Mendijur
• mendikate
• Mendikota
• Mendikute
• Mendikute
• Mendilaz
• mendilerro
• Mendilibarri