Martxuta
Nafarroa Behereko erdi-iparraldeko udalerria, Donapaleuko kantonamenduan. Masparraute du izen ofiziala. Mugak: iparraldean Arruta-Sarrikota-Amikuze eta Burgue-Erreiti, ekialdean Labetze-Bizkai, mendebalean Arruta-Sarrikota-Amikuze eta Labetze-Bizkai, eta hegoaldean Behauze, Amorotze-Zokotze eta Labetze-Bizkai. Garaiera, 125 m. 8,16 km2. 1999ko datuen arabera, 219 biztanle (martxutarrak). Biduze ibaia iparralde hegoalde igarotzen da udalerriaren ekialdetik. Euskara, behe-nafarrera; euskaldunak, % 97. Ekonomia jarduera nagusiak laborantza (garia, garagarra, bazkarako landareak, lekadunak) eta abere hazkuntza (ardi eta zerri azienda) dira. v Historia. 1119-1136 inguruko dokumentu batean aipatzen da lehen aldiz Martxutako herria, Mansberraute izenaz.
