Makea
Lapurdiko ekialdeko udalerria, Hazparneko kantonamenduan. Mugak: iparraldean Hazparne eta Lekorne; ekialdean Lekorne; mendebalean Itsasu, Kanbo eta Luhuso, eta hegoaldean Bidarrai eta Orzaize (Nafarroa Beherea). Garaiera, 182 m. 19,75 km2. 1999ko datuen arabera, 538 biztanle(makearrak). Macaye du izen ofiziala. Euskara, behe-nafarrera; euskaldunak, % 98. Ekonomia jarduera nagusiak laborantza (garia, artoa, bazkarako landareak) eta abere hazkuntza (ardiak eta behiak) dira (langileen % 60). Aipagarria da XVII. mendeko eliza. v Historia. 1145. urteko dokumentu batean aipatzen da lehen aldiz Makeako herria.
