lotxa
iz. Zool. Gadiformeen ordenako gadidoen familiako arraina, Physcis generokoa. Gorputz luzarana dute eta bi bizkar hegal dituzte, laburra bata eta luzea bestea, biribil zapala. Sabelaldeko hegalak hari itxurakoak dira, oso bereziak. Kolorea grisa edo arrea izaten dute, eta haragia jateko ona. Atlantikoan eta Mediterraneoan bizi dira gehienak, itsaspe lohitsuetan.
