Lakarra
Nafarroa Behereko erdialdeko udalerria, Garazi eskualdean. Mugak: iparraldean, Buztintze-Iriberri eta Ainhize-Monjolose; ekialdean, Gamarte; mendebalean, Buztintze-Iriberri eta hegoaldean, Buzunaritze-Sarrasketa. Garaiera, 222 m. 4,45 km2. 1999ko datuen arabera, 129 biztanle (lakartarrak). Lacarre du izen ofiziala. Arzubi erreka igarotzen da bertatik. Euskara, behe-nafarrera; euskaldunak, % 83. Laborantzan (artoa, garia, bazkarako landareak eta lekadunak) eta abeltzaintzan (behi eta ardi azienda) oinarritzen da bertako ekonomia. Aipagarria da Lakarrako jaunen gaztelu zaharberritua. v Historia. 1168. urteko dokumentu batean aipatzen da lehen aldiz Lakarrako herria.
