Jemein Lanbarri, Ceferino

(«Jadarka»). Bizkaitar idazle abertzalea (Abando, 1887 - Bilbo, 1965). Euskaldun berria zen, eta Euskaltzale Bazkuna erakundearen sortzaileetariko bat izan zen. Aberri, Bizkaitarra, Euzko Gogoa, Euzkadi eta Euzko Deya agerkarietan eman zituen argitara bere artikulu gehienak. Mendigoxale mugimenduaren sortzaileetako bat izan zen. 1921ean, Eli Gallastegiri jarraitu zion alderdia bi zatitan bereizi zenean. 1930. urtean Euskadi Buru Batzarreko lehendakari zela Pizkundia kultura erakundea sortu zuen beste kide batzuekin batera. Sabino Aranaren ideien jarraitzailea zen eta Jagi-Jagi mugimendua bultzatu zuen. Eli Gallastegi bere lagunak EAJ utzi zuenean, ordea, Ceferinok ez zion jarraitu, eta eztabaida idatzi bat izan zuten bien artean (1934, Sólo JEL basta). Obra nagusiak: Oleskari bijak (antzerkia, 1915), Las bellezas de Aralar (1933) eta Biografía de Arana-Goiri´tar Sabin e Historia gráfica del nacionalismo vasco (1935).

• Jeltsin, Boris
• jeltzale
• jeltzaletasun
• jeltzaletu, jeltzale(tu), jeltzaletzen
• Jelling
• Jemein Lanbarri, Ceferino
• Jemein
• Jemen
• Jemsch, Walter
• Jena
• jendaila