Jatsu (Garazi-Jatsu)

Nafarroa Behereko erdialdeko udalerria, Garaziko eskualdean. Jaxu du izen ofiziala. Mugak: iparraldean, Orzaize, Irisarri eta Suhuskune; ekialdean, Ainhize-Monjolose; mendebalean, Orzaize eta Arrosa, eta hegoaldean, Buztintze-Iriberri. 10,65 km². 1999ko datuen arabera, 172 biztanle (jatsuarrak). Auzo nagusiak: Xelots, Mandotse eta Jatsu. Euskara, behe-nafarrera; euskaldunak, % 100. Laborantza (artoa, bazkarako landareak) eta abere hazkuntza (ardi eta behi azienda) dira bertako ekonomia jarduera nagusiak. Aipagarriak dira etxeetako inskripzioak eta XVII. mendeko hilarriak.  v  Historia. 1249. urteko dokumentu batean aipatzen da lehen aldiz Jatsuko herria. 1364. urtean kalte handiak eragin zituen izurrite batek. San Frantzisko Xabierkoaren aitaren familiak Jatsun zituen erroak.

• jatorri
• jatortasun
• jatoste
• jats
• Jatsu
• Jatsu (Garazi-Jatsu)
• jatun
• Jatxou
• jaugin 1 (jaugiten)
• jaugin 2
• jaugite