intsektu-hiltzaile
iz. Kim. Intsektuak hiltzeko erabiltzen den kimika gai pozointsua. Era askotara eragiten du intsektuen heriotza intsektu-hiltzaileak: ukipenez, intsektuak irensten badu edo itolarria eraginez. Kimika osagarrien arabera, mota hauek daude: olio mineralak, inorganikoak eta organikoak (naturalak edo sintesiz lortutakoak). Intsektu-hiltzaile erabilienak hauek dira, besteak beste: pelitrea, nikotina, rotenona (hirurak naturalak), DDT-a (diklorodifeniltrikloroetanoaren laburdura) eta malathiona (azken biak sintesiaz lortutakoak).
