Ilharre

Nafarroa Behereko iparraldeko udalerria, Donapaleuko kantonamenduan, Amikuzen. Mugak: iparraldean, Bastida eta Burgue-Erreiti; ekialdean, Arboti-Zohota eta Biarno; mendebalean, Labetze-Bizkai, eta hegoaldean, Labetze-Bizkai eta Gabadi. Garaiera, 100 m. 10,55 km². 1999ko datuen arabera, 137 biztanle (ilhartarrak). Auzo nagusiak: Galharraga, Goiti, Larralde, Salaberri eta Labenenta. Biduze ibaiak inguratzen du udalerria hegoaldetik eta mendebaletik. Euskara, behe-nafarrera; euskaldunak, % 31. Laborantzan (garia, bazkarako landareak) eta abere hazkuntzan (ardi eta behi azienda) oinarritzen da bertako ekonomia jarduera nagusia.

• ileostomia
• ilergete
• iletsu
• ileum
• ilgora
• Ilharre
• Ili
• Iliada
• Iliescu, Ion
• ilinti
• ilio-