Ibrahim
Sultan otomanoa, 1640-1648 urteetan (Konstantinopla, 1615 - Konstantinopla, 1648). Kara Mustafa Pasha bisirraren esku utzi zuen gobernua eta bere inguruko emakumeen menera bizi izan zen. Austriaren eta Persiaren arteko bakea izenpetu zuen 1642. urtean eta, Azov itsasoko lurraldeak berreskuratu ondoren, Veneziaren aurkako gerrari ekin zion 1645ean. Zergak handitu zizkien bere mendekoei, zituen gutiziak asetzearren, eta atxilo hartu zuten azkenean, erlijio agintarien aginduz,1648ko abuztuan. Lepoa bihurrituta hil zuten hamar egunen buruan.
