hologenesi
iz. Genet. D. Rosak 1918an ezagutzera eman zuen giza eboluzioaren teoria. Honen arabera, izaki bizien idioplasma (horrela deitzen zion ezaugarri heredagarriak hartzen omen zituen protoplasma hipotetiko bati) heldutasun batera iristen da eta bi forma berritan zatitzen da. Horrela, haren ustez, animalia eta landare moten aldakuntza era natural batean gertatzen da. Idioplasmak gidatzen duen eboluzio horretan ingurugiroak ez du inongo eraginik, eta egokiak ez diren bilakaera bideak deuseztatuz bakarrik hartzen du parte.
