histeresi
iz. Indar baten intentsitatea edo norabidea aldatzen denean, haren bilakaeran izaten den atzerapena. v Histeresi magnetikoa. Fis. Burdina puska bat eremu magnetiko baten eraginpean jartzen denean magnetizatu egiten da, eta eremu magnetikoa indartu ahala, burdinaren magenetizazioa ere neurri berean handitzen da. Alabaina, eremu magnetikoaren indarra gutxitzen denean magnetizazioaren indarra ez da neurri berean murrizten, hau da, eremu magnetikoa desegin ondoren ere burdina magnetizatua geratzen da. Fenomeno horri deitzen zaio histeresi magnetikoa.
