Hiriburuko kantonamendua

Lapurdiko iparraldeko kantonamendua. Saint-Pierre d'Irube da kantonamenduaren izen ofiziala. Mugak: iparraldean, Baionako kantonamendua eta Landak; ekialdean, Hazparneko eta Bastidako kantonamenduak; mendebalean, Baionako eta Uztaritzeko kantonamenduak, eta hegoaldean, Uztaritzekoa. Udalerri hauek osatzen dute: Lehuntze, Mugerre, Hiriburu, Urketa eta Milafranga. 70,58 km². 1999ko datuen arabera, 13.066 biztanle. Euskara, mendebaleko behenafarrera; euskaldunak % 50. Hiriburuko kantonamenduko ekonomia jarduera nagusiak industria (Mugerre) eta zerbitzuen alorrekoak dira. Angelu-Miarritze-Baionako eremuan ari da lanean herri hauetako langile asko.

• Hiriberri-Villanueva
• hiribide
• hiribildu
• Hiriburu
• hiriburu
• Hiriburuko kantonamendua
• hirigintza
• hirigune
• hiritar
• hiritargo
• hiritarki