Hertz, Gustav
Alemaniar fisikaria (Hanburgo, 1887 - Ekialdeko Berlin, 1975). Berlingo Fisika institutuko zuzendaria (1928). SESBeko ikerketa atomikoan parte hartu zuen (1947). Leipzigeko unibertsitateko irakaslea (1955). J. Franck-ekin lankidetzan, fluoreszentzia fenomenoak azaldu eta elektroien energia mailaren kontzeptua ezarri zituen (Bohr-en teoriaren berrespena). Lan horiengatik 1925eko Fisikako Nobel saria eskuratu zuen, Franckekin batera.
