Euskararen tresnak

Lur hiztegi entziklopedikoa

Kultura eta Hizkuntza Politika Saila

Garín Ortiz de Taranco, Felipe María

Espainiar artista (Valentzia, 1908 - Valentzia, 2005). Zuzenbide eta filosofia eta letretako ikasketak egin zituen Madrilgo Unibertsitatean. Espainiako Gerra Zibila bukatu zenean, Valentziako Arte Ederretako Eskolako artearen historia eta teoriako katedradun izendatu zuten, eta han lan egin zuen 1968. urtera arte, zuzendari gisa 1951tik aurrera. La Lagunako Unibertsitateko artearen historiako katedra lortu zuen oposizioz, eta gero, meritu lehiaketaz, Valentziakora igaro zen. San Karlosko Arte Ederretako Errege Akademiaren lehendakari izendatu zuten 1974. urtean, eta Archivo del Arte Valenciano aldizkariaren zuzendaria izan zen. Beste erakunde askotako kide izan zen eta sari ugari irabazi zituen. 1998an, Arte Ederretako Asturiasko Printzea sarian finalista izan zen. Lan nagusiak: Aspectos de la arquitectura gótica valenciana (Valentziako arkitektura gotikoaren zenbait alderdi), Loa y elegía de Polomino en su decoración de los santos Juanes de Valencia (Valentziako Joan santuen dekoratzaile Polominoren goraipamena eta elegia), Pintores del mar (Itsas pintoreak), El libro de horas del conde-duque de Olivares (Olivares konde-dukearen orduen liburua), La visión de España de Sorolla (Espainaren ikuspegia Sorollaren arabera).