Etxebarria
Bizkaiko ipar-ekialdeko udalerria (Markinaldea). Mugak: ipar, hego eta mendebalean Markina-Xemein, eta ekialdean Elgoibar (Gipuzkoa). 17,65 km2 eta 792 biztanle (etxebarritarrak). Auzoak: Altza, Aulestia, Galartza eta Unamuntzaga. Urko ibaia igarotzen da udalerritik. Euskara, bizkaiera; euskaldunak % 98. Ekonomia jarduera nagusia industrian (metalurgia, altzairugintza; langileen % 47) eta nekazaritzan (barazkiak, bazkarako landareak, behi eta ardi azienda; langileen % 33) oinarritua da. Aipagarria da XIV. mendeko San Andres apostuluaren parrokia eliza (XVI. mendean eraberritua).
