estetoskopio
iz. Med. Gorputz barneko hotsak, bihotzekoa eta biriketakoa bereziki, entzuteko erabiltzen den tresna. 1819an asmatu zuen Laënnec frantsesak baina gaur egun gehien erabiltzen dena bi entzungailuko estetoskopioa da, Camman-ek asmatua; hodi itxura du eta hodiaren punta batetik belarrian jartzeko tronpetatxo batzuk ateratzen zaizkio. Diagnostikoak egiteko laguntza handikoa da estetoskopioa.
