Errekonkista
(Esp. Reconquista) Espainian, bertako erresuma kristauen eta musulmanen arteko borrokei eman zaien izena. Lehenek, Iberiako penintsulako lurrak musulmanei kentzeko asmoz ekin zioten borrokari. Covadongako gudua (718) hartzen da Errekonkistaren hasieratzat, eta Granadako konkistarekin bukatzen da (1492), kristauek Iberiako penintsula osoa eskuratu ondoren.
