Clapton, Eric
Musikari, konpositore eta gitarra-jotzaile britainiarra (Surrey, 1945). Rockaren historian izan den gitarra-jotzailerik hoberena dela diote adituek, eta “bluesaren maisu zuria” ere deitu izan diote. Hainbat talderekin The Roosters, Bluesbreakers, Cream, Blind Faith eta bakarka jo izan du. Ezagunak ditu, besteak beste, kantu eta disko hauek: Layla, Lay Down Sally, Crossroads, Unplugged, From the Cradle eta Pilgrim.
