Boscán, Juan
Katalan olerkaria, gaztelaniaz idazten zuena (Bartzelona, 1492 inguruan - 1542). 1526. urtean, Andrea Navagiero veneziarrarekin izaniko harremanen ondorioz, Errenazimentuko metrikaren erabilera bultzatu zuen Espainian (bertso endekasilaboak, sonetoak, canzone). Garcilaso de la Vega poeta liriko handiari bidea prestatu eta erraztu zion. Aipamen berezia merezi du Boscanek gaztelaniara itzuli zuen Castiglioneren Cortegiano obrak.
